د ارزګان ولایت په مرکز ترینکوټ کې لسګونه دیني علماوو نن پنجشنبه پر یوې مهمې موضوع د اسلام له نظره بحث وکړ او بچه بازي یې د اسلام له نظره ناوړه او یوه لويه پدیده یاده کړه.
دوی اندیښنه وښوده چې پهدې وروستیو کې پهدغه ولایت کې بچه بازي او یا هم له ماشومانو څخه ناوړه جنسي ګټه پورته کول خپل اوج ته رسیدلي دي.
ارزګان میشتي بیا وايي بچه بازي په دغه ولایت کې پولیس او یا هم لوړپوړي مشران او زورواکي کوي.
د ارزګان د پولیس مشر جنرال محمد معروف احمدزي هم ازادي راډيو ته تأیید کړه چې د پولیسو په لیکو کې بچه بازي شته، خو مخنیوی به یې وشي.
په دې اړه نور حال د ازادي راډيو د خبریال شریف الله شرافت په دې راپور کې چې د لاندې لېنک په کېکاږلو سره یې اورېدلی شئ:
