د افغانستان د بایسکل ځغلونې لوبډله د سیالیو لپاره د پاکستان لاهور ښار ته رسېدلې ده.
د بایسکل ځغلونې د فدراسیون رئیس محمد حسین حمیدي ازادي راډيو ته وویل، افغان لوبغاړو د بایسکل ځغلونې په دغو سیالیو کې چې نن شنبه پیل شوې، ګډون کړی او تر دې دمه ښه روان دي.
دا سیالۍ د ۱۶۰ هېوادونو څخه د لوبغاړو په ګډون نن له لاهور څخه تر ساهیواله پورې پیل شوې دي.
د بایسکل ځغلونې فدراسیون په وینا، په دغو سیالیو کې د لوبډلې د اصلي لوبغاړو تر څنګ، د بلخ، بامیان او خوست څخه هم تکړه لوبغاړي غوره شوي او په سیالیو کې يې ګډون کړی دی.