د لاسرسي لېنکونه

یکشنبه ۲۸ زمری ۱۳۹۷ کابل ۱۱:۲۲

د کرکټ افغان ملي لوبډلې یونیکارنز کلب لوبډلې ته ماته ورکړه


د افغانستان د کرکټ ملي لوبډلې د بریتانیا د یونیکارنز کلب لوبډلې ته د ۴۶ منډو په توپیر په یوې تمریناتي لوبه کې ماته ورکړه.

د افغانستان ملي لوبډلې تېره ورځ په دغه تمریني لوبه کې د اتو لوبغاړو په سوځېدو خپل سیالې لوبډلې ته په ۵۰ اورونو کې د ۲۴۱ منډو هدف وټاکه.

خو د یونیکارنز کلب لوبډلې په ۴۱ اورونو کې د ټولو لوبغاړو په سوځېدو یوازې ۲۰۱ منډې جوړې کړې.

د افغانستان د کرکټ ملي لوبډله تېره اوونۍ د تمریني لوبو لپاره بریتانیا لاړه او د اګسټ د میاشتې تر ۲۰مې نېټې به د دوی تمریناتي سیالۍ دوام وکړي.

له هغې وروسته به افغان ټیم د ایرلنډ د کرکټ له ملي لوبډلې سره درې یو ورځنۍ او درې ۲۰ اورېزې لوبې ترسره کړي.

XS
SM
MD
LG