غزني چې په سلو کې څه باندې ۷۰ وګړي یې پښتانه دي، خو د جګړو له امله له ولسوالیو څخه ښار ته راکډه شوي ماشومانیې په خپله مورنۍ ژبه له زدهکړې محروم دي.
په غزني کې ډېری هغه کورنۍ چې د جګړو له امله له ولسوالیو څخه غزني ښار ته راکډه شوي دي، د خپلو ماشومانو لهپاره په مورنۍ ژبه د زدهکړې نهورکولو له امله له مشکل څخه کړېږي، خو د دې تر څنګ دغه ماشومان هم وايي، په یو وخت له دوو زدهکړو سره مخ دي، هم دري ژبه زدهکول او هم درسونه.
مدني فعال واحدالله جمعهزاده پر دې خبرې له ټینګار سره چې ماشومان تر پردۍ په خپله مورنۍ ژبه په زدهکړه کې ښه پرمختګ کولای شي، وايي:
"له کلونو کلونو څخه پهدې هڅه کې یو چې دغه کډوالو ماشومانو ته دې په خپلو مورنیو ژبو زدهکړې ورکړل شي، خو غږ مو نهاورېدل کېږي."
په مورنۍ ژبه زدهکړې کول د ماشومانو لومړی حق ګڼل کېږي.
په اړهیې امین الله بهار وايي:
"دغه ماشومان په یو وخت د بلې ژبې او درس له زدهکولو سره مخ دي او دا کار ستونزمن دی."
دا چې دغه کډوالې کورنۍ وايي چې مدني فعالان، علماء کرام، مشران او نور خلک دې د ښووونې او روزنې پر ریاست زور راوړي څو په ښوونځیو کې د دري تر څنګ پښتو هم عام کړي، نو د غزني د پوهنې رئیس محبالرحمن انصار د تل په څېر بیا هم وعده ورکوي او وايي:
"په پام کې لرو چې دا کار ترسره کړي."
یاده دې وي چې د غزني ښار ته په دا وروستیو کې د سختو جګړو له امله له ډېری پښتون مېشتو ولسوالیو څخه په زرګونه کورنۍ راګډه شوي دي چې ماشومانیې له یادې ستونزې څخه کړېږي.
راپور: حبیبالرحمن تأثیر