د ارزګان ولایت مرکز ترینکوټ اوسیدونکي وايي، پهدغه ولایت کې یو ځل بیا جګړو زور اخېستی او وسلهوال طالبان د ترینکوټ ښار څنډو ته نېږدې شوي دي.
دوی ادعا کوي چې پهدغه ولایت کې امینتي ځواکونه پرته له مقاومت هغه نیولې سیمې بېرته طالبانو ته خوشې کړي، کوم چې افغان ځواکونو په تېرو دوه نیم کلونو کې تر درنې جګړې او قرباینو وروسته ترې طالبان ایستلي وو.
له دې سره په مشرانو جرګه کې د ارزګان د خلکو استازي هم وايي چې پهدغه ولایت کې یو ځل بیا ناامني زیاته شوې ده.
د ارزګان ولایت د امینه قوماندانۍ مسؤلین بیا خلکو ته د امنیت ډاډ ورکوي.
د ارزګان ولایت خلک یاده اندیښنه پر داسې مهال ښيې کله چې پنځه ورځې وړاندې وسلهوالو طالبانو د دغه ولایت مرکز ترینکوټ اړونده سرخوم، ابرده، ملیزي او یکلینګ سیمې پرته له مقامت څخه له افغان پوځیانو څخه ونیولې.
پهدې اړه نور حال د ازادي راډيو د خبریال شریف الله شرافت په راپور کې چې د لاندې لېنک په کېکاږلو سره یې اورېدلی شئ:
