په روسیه کې د ۲۰۱۸ کال د فوټبال د نړیوال جام سیالیو په ترڅ کې به نن په H ګروپ کې سنګال له کلمبیا او جاپان له پولنډ سره مخامخ شي.
د څلورو واړو ټیمونو ترمنځ دغه لوبې د افغانستان په وخت د مازدیګرپه شپږنیمو بجو پیلېږي.
همدا راز به په G ګروپ کې انګلستان او بلجیم، پانامه او تونس سره مخامخ شي.
د افغانستان په وخت د شپې په لس نیمو بجو دغه لوبې پیلېږي.
د فوټبال د نړیوال جام سیالیو په ترڅ کې پرون د جرمني د فوټبال ټیم چې د مخکیني ۲۰۱۴ جام اتل و، له جنوبي کوریا دوه ګولونه وخوړل او له دې جام سره یې مخه ښه وکړه.
دا اول وار دی چې د جرمني د فوټبال لوبډله د نړیوال جام سیالیو دوهم دور ته تر رسېدو مخکې، ماته خوري.
د سویس او کستاریکا ترمنځ لوبه دوه په دوه مساوي شوه.
صربیا ته برازیل د دوو ګولونو په وهلو ماتې ورکړه او سویډن د درې ګولونو په هلو لوبه له مکسیکو وګټله.
په E ګروپ کې برازیل او سویس او F ګروپ کې سویډن او مکسیکو د دې جام دوهم دورته لاره پیدا کړه.