د امریکا او بریتانیا استخباراتي چارواکو د فوټبال هغو مینهوالو ته چې د فوټبال د نړیوال جام لوبو لپاره روسیې ته ځي خبرداری ورکړی چې ممکن موبایل ټیلیفونونه او کمپیوټرونهیې د انټرنټ یا سایبري جاسوسي ادارو لهخوا هک شي.
د امریکا د استخباراتو د مخنیوي او امنیتي مرکز مشر ویلیام ایوانینه «William Evanina» د چهارشنبې په ورځ «۱۳۹۷ کال د غبرګولي ۲۳» وویل چې په روسیه کې به حتی هغه خلک چې ګومان کوي مهم نهدي، د هککرانو لهخوا په نښه شي.
هغه په یوه خپاره کړي بیان کې ویلي چې هر هغه څوک چې د نړیوال جام لوبو د لیدو لپاره روسیې ته ځي، باید د سایبري حملو د خطرونو په وړاندې بېداره واوسي.
روېټرز اژانس د یوه امریکایي چارواکي له قوله چې نومیې نهدی ښودل شوی ویلي چې د بریتانیا امنیتي ادارو هم خپلو وګړو او ملي ټیم ته چې په دې جام کې شامل دی او هغه نن پیلېږي، ورته خبرداری ورکړی دی.