کابل چاپ ورځپاڼو په خپلو نننیو ګڼو کې بیا هم د افغانستان د ولسي جرګې او ولسوالیو شوراګانو د انتخاباتو په اړه یو شمېر لیکنې چاپ کړې دي.
- ویسا
ویسا خپلواکې ورځپاڼې په خپل یوه مطلب کې د ملي شورا د یو شمېر غړو په حواله لیکلي، د حکومت بېپروايي ښيي چې د انتخاباتو اراده نهلري.
په مطلب کې د ځینو وکیلانو په حواله داسې راغلي چې په کابل او یو شمېر ولایتونو کې په پرلهپسې ډول د انتخاباتي ادارو له هدف ګرځېدو او په وړاندې یې د حکومت بېپروايي د انتخاباتو د ترسره کېدو په تړاو د حکومت پر ارادې شکونه ډېر کړي دي.
په مطلب کې وړاندې راغلي، د انتخاباتو لپاره د حکومت له لوري د جامع امنیتي پلان نشتوالی، پر انتخاباتي ادارو د وسلهوالو بریدونه او په انتخاباتو کې د خلکو د ګډون په اړه د حکومت له لوري د عامه پوهاوي نشتوالی هغه عوامل دي چې د انتخاباتو د نهترسره کېدو په اړهیې شکونه ډېر کړي دي.
- سرخط
سرخط خپلواکې ورځپاڼې هم پهدې اړه په خپل یو مطلب کې لیکلي، پکتیاوال پر تذکره د سټېکر لګولو سیستم نهمني.
په مطلب کې وړاندې راغلي، د پکتیا ولایت اوسېدونکو له امنیتي پلوه دا کار ناسم ګڼلی او ټینګار کوي چې پر بدیله لار دې فکر وشي ځکه پهدې ډول د دوی ګډون په انتخاباتو کې له ستونزو سره مخ کېږي.
په مطلب کې د نوموړي ولایت د اوسېدونکو په حواله دا هم راغلي چې له رأی د خلکو په محرومېدو درغلي او داسې پارلمان جوړېدو ته لار هوارېږي چې د خلکو اراده پهکې نهوي شامله او نه به د ملت او هېواد د ګټو پر اساس فعالیت کوي.
خو د مطلب لیکوال لیکلي چې د انتخاباتو د خپلواک کمېسیون د سیمهییزو چارواکو ځواب ورته دا دی چې دا یوه ملي پروسه ده او د یوې سیمې او ولایت لپاره پهکې بدلون نهشي راتلی او د بدلون پرېکړه به هم مرکزي اداره کوي.
- هېواد
هېواد دولتي ورځپاڼې بیا پهدې اړه په خپله سرمقاله کې لیکلي دي.
سرمقاله لیکونکي وړاندیز کړی چې په هېواد کې ټاکنې په حوزوي بڼه وشي، ځکه پهدې ډول به هم ملت ته د منلو وړ وي او هم به د ولسواکۍ مهم اصل پهکې خوندي وي.
ورځپاڼه لیکي له دې پرته به انتخابات د ولس په وینو لړلي وي او د ګڼ ملت حق به یو څو د ګوتو په شمېر لږکیو ته ورکول کېږي.
په سرمقاله کې له امنیتي نظره د انتخاباتو پر وړاندې په ستونزو جوړولو کې پاکستان هم تورن ګڼل شوی او ویل شوي چې د افغانستان دا تاریخي دښمن په هېڅ ډول نهغواړي چې په دغه هېواد کې د ولسواکۍ دا مهم اصل بنسټیز شي.
- اطلاعات روز
اطلاعات روز خپلواکې ورځپاڼې هم په خپله سرمقاله کې پهدې اړه لیکلي او د انتخاباتو بریا او ناکامي یې د دغه بهیر په شفافیت پورې تړلې ګڼلې ده.