د لاسرسي لېنکونه

پنجشنبه ۲۹ وږی ۱۳۹۷ کابل ۰۴:۳۸

په ننګرهار کې د کوکنارو د کښت اړولو کمپیان پیل شو


په تېره يوه اوونۍ کې په ننګرهار کې نږدې زر جریبه ځمکه د کوکنارو له کښته پاکه شوې ده.

د ننګرهار ولايت امنیه قوماندانۍ ویاند حضرت حسین مشرقيوال د پنجشنبې په ورځ ازادي راډیو ته وویل چې پولیسو په روان کال کې د کوکنارو د کښت اړولو لپاره د کوز کونړ، نازيانو، خوګياڼو، روداتو، غني‌خېلو او اچین ولسواليو اړوندو سیمو کې ګډ عمليات کړي چې په نتيجه کې يې سلګونه جریبه ځمکه د کوکنارو له کښت څخه پاکه شوه.

د ښاغلي مشرقيوال په خبره په ننګرهار کې د کوکنارو اړولو لړۍ اوس هم دوام لري او د دوی پلان دا دی چې ۱۵۰۰ هِکتاره ځمکه د کوکنارو له بوټي څخه پاکه شي.

دا په داسې حال کې ده چې تر دې مخکې د مخدره موادو پر وړاندې د مبارزې وزارت ویلي و چې سږ کال په هېواد کې د کوکنارو کښت ډېر شوی دی.

XS
SM
MD
LG