د لاسرسي لېنکونه

دوشنبه ۳ غویی ۱۳۹۷ کابل ۰۱:۵۶

افغان ولسمشر د خوست په هوايي ډګر کې یو شمېر پروژې پرانیستې


افغان ولسمشر محمد اشرف غني نن دوشنبه د خوست په هوايي ډګر کې یو شمېر پروژې پرانیستې.

پر دې پروژو چې ۷۳ میلیونه افغانۍ لګښت راځي، موقتي ترمینل، د رادارو سیستم، د اطفائیې تأسیسات او د هوايي ډګر د داخلي سړکونو جوړول شامل دي.

چارواکي وايي چې د یادو پروژو کار به د ۶ میاشتو په موده کې بشپړ شي.

د هوايي ډګر د ځغاست لیکې کار چې پخوا بشپړ شوی ورباندې ۷۲۹ میلیونه افغانۍ لګښت راغلی دی.

ولسمشر په هوايي ډګر کې د یادو پروژو تر پرانیستې وروسته د هلیکوپټرو په واسطه د خوست ورزې سیمې ته ولاړ او هلته‌يې د برښنا د سب سټېشن پرانیسته هم وکړه.

ټاکل شوې ولسمشر تر دې پرانیستو وروسته د خوست د اوسېدونکو په یوه غونډه کې ګډون وکړي.

XS
SM
MD
LG