د لاسرسي لېنکونه

چهارشنبه ۲۷ چنګاښ ۱۳۹۷ کابل ۰۴:۳۰

هند غوره لیګ: چنای سوپرکنکز ممبي انډينز ماتې ورکړه


د هندوستان د کرکټ غوره لیګ سیالیو په لومړۍ لوبه کې چنای سوپرکنکز لوبډلې، ممبي انډينز لوبډلې ته په يوې وکټې ماتې ورکړه.

ممبي انډينز لوبډلې لومړی بيټنګ وکړ او په ټاکلو شلو اورونو کې یې د ۴ وکټو په زیان سره خپلې سیالې لوبډلې ته د ۱۶۵ منډو هدف وټاکه.

په ځواب کې د چنای سوپرکنګز لوبډلې ورکړل شوی هدف د ۹ وکټو په زیان سره د لوبې په وروستي اوور کې پوره کړ او لوبه يې د یوې وکټې په توپیر سره وګټله.

ډیون براوو چې په ۳۰ توپونو يې د چنای لوبډلې لپاره ۶۸ چټکې منډې جوړې کړې وې د لوبې غوره لوبغاړی ونومول شو.

XS
SM
MD
LG