د کندز ولایت په دشت ارچي ولسوالۍ کې په یوه هوايي حمله کې ۱۵ وسلهوال طالبان وژل شوي.
په شمال زون کې د ۲۰مې فرقې ویاند غلام حضرت کریمي ازادي راډیو ته وویل چې نن دوشنبه غرمه مهال افغان هوايي ځواکونو د کندز د دشت ارچي ولسوالۍ د باجوړۍ په سیمه کې د وسلهوالو مخالفینو په یوه تجمع باندې برید کړی چې په پایله کې یې ۱۵ تنه وسلهوال طالبان وژل شوي او ۱۰ نور یې ټپیان دي.
دی زیاتوي چې یاد وسلهوال طالبان په دشت ارچي ولسوالۍ کې د حملو د پلانولو لپاره راټول شوي وو.
دی وايي چې په وژل شویو کې د وسلهوالو طالبانو کلیدي کسان هم موجود دي.
وسلهوالو طالبانو تر اوسه په دې اړه څه نهدي ویلي.