ایرلېنډ افغانستان ته ۲۱۰ منډې هدف ورکړ.
د کرکټ د ۲۰۱۹ میلادي کال نړیوال جام د غواروي سیالیو په وروستۍ لوبه کې افغانستان او ایرلېنډ د یو بل په وړاندې لوبېږي.
د سیالۍ لومړۍ پاڼې پای ته ورسېده، ایرلېنډ چې د دې سیالۍ ټاس يې ګټلی و، لومړۍ توپ وهنه وکړه او په ټولو پنځوسو اوورونو کې افغان لوبډلې ته ۲۱۰ منډې هدف وټاکه.
د ایرلېنډ په منډه جوړونکې سټرلینګ تر نورو ډېری ۵۵، کې جي اوبراین ۴۱ او اېن جي اوبراین ۳۶ منډې وکړې.
که څه هم د ایرلېنډ د توپ وهنې پیل ته په کتو فکر کېده چې دوي به لوړ هدف وټاکي، خو افغان توپ اچوونکو وکولای شول چې د دوی د منډو مخه ډب کړي.
په افغان توپ اچوونکو کې راشد خان یو وار بیا تر نورو ښه توپ اچونه وکړه او په لسو اورونو کې ۴۰ منډې ورکړې او درې مقابل لوبغاړې يې وسوځول ترڅنګ يې دولت ځدراڼ ۲ او محمد نبي عیسی خېل یو مقابل لوبغاړي وسوځول.
د سیالۍ دوهمه پاڼۍ لا نهده پیل شوې وبه کتل شي چې د ۲۱۰ منډو هدف افغان توپ وهونکي پوره کولای شي کنه؟ خو د کرکټ د ۲۰۱۹ میلادي نړیوال جام سیالیو ته د ورتګ په هدف د دې سیالۍ ګټل دواړو لوبډلو ته خورا مهمه ده.
د دې سیالۍ ګټونکی به د یکشنبې په ورځ په زمبابوې کې د ۲۰۱۹ میلادي کال د کرکټ د نړیوال جام د غوراوي سیالیو پایلوبه هم له ویسټ انډیز سره ولوبوي.
ویسټ انډیز لا له وړاندې د نړیوال جام سیالیو ته لاره موندلې ده.
د ۲۰۱۹ میلادي کال د کرکټ نړیوال جام په انګلستان کې ترسره کېږي.
د ایرلېنډ د کرکټ ملي لوبډلې خپلې افغانې سیالې لوبډلې ته د ۲۱۰منډو هدف وټاکه.
ایرلېنډ لوبډلې د خپلو ۷ لوبغاړو په سوځېدو سره ۲۰۹منډې وکړې او خپلې افغانې سیالۍ لوبډلې ته یې د ۲۱۰ منډو هدف وټاکه.
د افغانستان د کرکټ ملي لوبډله نن د جمعې په ورځ له آیرلنډ سره په یوه حساسه مسابقه کې مخامخ دی.
دا مسابقه چې د نړیوال جام د غوراوي لپاره د شپږو غوره لوبډلو د سیالیو په لړ کې کېږي، د دواړو لپاره زیاته مهمه ده.
تر دې وړاندې ویسټ انډیز د ۸ امتیازونو په لرلو نړیوال جام ته وتلی دی.
پرون پنجشنبه متحده عربي اماراتو زېمبابوې ته په ۳ منډو ماتې ورکړه.
د متحده عربي اماراتو دې بري نړیوال جام ته د افغانستان د وتلو هیله ژوندۍ کړه.
خو نننۍ مسابقه به څرګنده کړي چې افغانستان که آیرلنډ نړیوال جام ته لاره مومي.
افغان ملي لوبډلې چې د ۲۰۱۹ میلادي کال د کرکټ نړیوال جام په غوراوي سیالیو کې ښه پیل نه درلود، دا دی برخلیک ټاکونکې لوبې ته رسیدلی دی.
د افغانستان او ایرلېنډ له لوبډلو به یوازې یو ټیم نن نړیوال جام ته لار پیدا کوي.
دا ډېر کم تصور کېده چې افغانستان به دې سرحد ته راورسېږي.
افغانستان دې لوبې ته د رارسېدو لپاره امارات، ویسټ انډیز او نيپال مات کړل، خو د سر درې واړه لوبې یې په هانک کانګ، سکاټلند او زمبابوې وبایللې.
همدا راز د نیپال، اماراتو او ویسټ انډیز وروستیو بریاوو د افغانستان مخه خلاصه کړه.
د افغانستان او ایرلنډ تر منځ د نننۍ لوبې ګټونکی به د یکشنبې په ورځ په زمبابوې کې د ۲۰۱۹ میلادي کال د کرکټ د نړیوال جام د غوراوي سیالیو پایلوبه هم له ویسټ انډیز سره ولوبوي.
هغه ویسټ انډیز چې له افغانستان سره د لوبو ښه خاطره نه لري.
د افغانستان او ایرلېنډ نننۍ لوبه په هرارې کې روانه ده چېرته چې پرون اماراتو کوربه زمبابوې مات کړ او نړیوال جام ته د افغانستان او ایرلنډ د وتلو زمینه یې برابره کړه.
که افغانستان ایرلېنډ مات کړي نه یوازې دا چې نړیوال جام ته وځي، بلکې د کرکټ نړیوالې شورا له خوا په دغه ټیم شوی باور به لا پوخ کړي.
افغانستان او ایرلېنډ تېر ۲۰۱۷ کال د کرکټ نړیوالې شورا بشپړ غړیتوب خپل کړ.
په دې سربېره به ۲۰۱۹ کال نړیوال جام ته د وتلو په خاطر افغانستان د لا زیاتو امکاناتو د ترلاسه کولو وړ وبلل شي، هغه څه چې په افغانستان کې کرکټ لا پرې جوړیدلی ښي.
د ۲۰۱۹ میلادي کال د کرکټ نړیوال جام په انګلستان کې ترسره کېږي.
اخوا له ډېر وخت وروسته افغانستان د کرکټ ملي لوبډلې په غوراوي جام کې په ځینو لوبو کې موقتي کپټان تجربه کړ.
راشد خان هغه څېره چې د یو ورځنیو او شل اوریزو لوبو په بالرانو کې لومړی مقام لري خو په لوبډلمشرۍ کې بخت زیاته یاري ورسره ونه کړه.
راپور: صفي الله ستانکزی
د ایرلېنډ ۷مه ویکټه هم لاړه ۲۰۲ منډې یې کړي په ۴۹ اوورونو کې.