د افغانستان د فوټبال ملي لوبډله د کمبودیا په وړاندې د دوستانه سیالۍ د ترسره کېدو لپاره نن تاجکستان ته ورسېده.
د افغانستان د فوټبال فدراسیون د مطبوعاتو امر شفیع شاداب ازادي راډيو ته وویل لوبډله به د څلورو ورځو تمرین چانس ولري او د حمل د میاشتې په اوومه نېټه به د کمبودیا پر وړاندې د سیالۍ ډګر ته ووځي.
نوموړی وايي، په تاجکستان کې د دغې سیالۍ کوربهتوب د افغانستان د فوټبال فدراسیون کوي او دا سیالۍ د ۲۰۱۹ میلادي کال د اسیا جام لپاره د مقدماتي سیالیو په لړ کې تر سره کېږي.