د لاسرسي لېنکونه

یکشنبه ۳ چنګاښ ۱۳۹۷ کابل ۰۷:۳۹

د افغانستان د کرکټ ملي لوبډله سبا د سکاټلينډ په وړاندې لوبېږي


سبا يکشنبه د افغانستان د کرکټ ملي لوبډله د نړیوال جام غوراوي پړاو سیالیو په لومړۍ لوبه کې، د سکاټلينډ په وړاندې د لوبې ډګر ته وځي.

د کرکټ بورډ مرستیال ویاند شرف الدین شاکر نن شنبه ازادي راډيو ته وویل چې افغان لوبډله نړیوال جام ته د رسېدو لپاره پوره چمتووالی لري او ډېر امکان شته چې افغانستان د ۲۰۱۹ میلادي کال نړیوال جام سیالیو ته لار پیدا کړي.

افغان لوبډلې د نړیوال جام له غوراوي پړاو سیالیو وړاندې، په متحده عربي اماراتو کې زیمبابوې ته د دوو شل اوریزو او پنځو يو ورځينو لوبو په سیریز او له هغه وروسته، د نړیوال جام غوراوي پړاو سیالیو په لومړۍ تمریني لوبه کې ویسټ انډيز ته ماته ورکړه، خو دوهمه لوبه یې له نیدرلینډ سره د ورښت له امله بې نتیجې پای ته ورسېده.

ټاکل شوې د ۲۰۱۹ کال نړیوال جام غوراوي پړاو سیالۍ سبا په زمبابوې کې د ۱۰ لوبډلو ترمنځ پېل شي چې له ډلې به یې، دوه لوبډلې نړیوال جام ته لاره پیدا کوي.

XS
SM
MD
LG