د لاسرسي لېنکونه

یکشنبه ۳ چنګاښ ۱۳۹۷ کابل ۱۰:۰۰

چارواکي: په ننګرهار کې ۵۵۰ کېلو ګرامه نشه‌يي مواد نیول شوي


د ننګرهار پولیسو د یوې اوونۍ په بهير کې نږدې ۵۵۰ کېلو ګرامه بېلا بېل نشه‌يي مواد نیولي دي.

د ننګرهار ولایت د امنیه قوماندانۍ ویاند حضرت حسین مشرقیوال ازادي راډیو ته وویل چې دا مواد د سُرخ رود، دُربابا او جلال‌اباد-تورخم پر لویه لاره د عملیاتو په پايله کې نیولي او په دې تور یې پنځه کسان هم نیولي دي.

ښاغلی مشرقیوال زیاتوي:

"د تېرې اوونۍ په بهير کې نږدې ۵۵۰ کېلو ګرامه بېلا بېل نشه‌يي مواد نیول شوي او په دې تور ۵ تنه هم نیول شوي چې د څېړنو لپاره‌يې عدلي او قضايي ادارو ته سپارلي دي."

دا په داسې حال کې ده چې تېره اوونۍ له نشه‌يي موادو سره د مبارزې ځانګړو پولیسو په دې ولایت کې د هیروئينو درې کارخانې ویجاړې او په لسګونه کېلو ګرامه هیروئین او تاریاک ونیول.

XS
SM
MD
LG