د افغانستان د بېلابېلو مدني او ورزشي ټولنو لهخوا د کب د نهمې نېټې یا د افغان امنیتي ځواکونو د ورځې په ویاړ د ځغاستې سیالۍ تر سره شوې.
دا سیالۍ چې لسګونه لوبغاړو پهکې ګډون کړی وو نن پنجشنبه د کابل د دارالامان سیمه کې تر سره شوې.
لوبغاړو د اووه کېلو مترو په اندزه د ځغاستې، سایکل، موټرو او موټر سایکلونو په ځغلولو سره د افغانستان د امنيتي او دفاعي ځواکونو نه د ملاتړ اعلان وکړ.
د ځغاستو د دغو سیالیو جوړونکي وايي چې د دغو سیالیو لومړی، دوهم او درېیم مقام ته له ۱۰ زرو افغانیو نه تر درېیو زرو افغانیو پورې نغدې جایزې هم ورکړل شوې.