کندهار کې د انځورګرۍ او خطاطۍ په برخه کې د نجونو لېوالتیا زیاته شوې

په کندهار کې په لومړي ځل د انځورګرۍ او خطاطۍ د زده کړو په برخه کې د نجونو لېوالتیا زیاته شوې ده.

اوس مهال د کندهار د ښکلو هنرونو په نوم په یوه ټولنه کې شاوخوا ۲۰ نجونې د انځورګرۍ او خطاطۍ په برخه کې زده کړه کوي.

دا په داسې حال کې چې په کندهار کې لا هم کلتوري محدودیتونه د ښځو د هنر او نورو زده کړو په برخه کې لوی خنډ بلل کېږي.

په کندهار کې د ازادۍ راډیو خبریال صادق رښتینی د انځورګري او خطاطۍ دغه روزنیز پروګرام ته ورغلی او د عکسونو دا ګالري يې برابر کړی.