د لاسرسي لېنکونه

دوشنبه ۳۱ غویی ۱۳۹۷ کابل ۰۳:۳۵

سرچینه: په کندهار کې له انتحاري حملې ۴ مړي او ١٠ ټپيان روغتون ته لېږدول شوي


په کندهار کې يوې امنيتي سرچينې چې نه يې غوښتل نوم يې واخيستل ازادي راډيو ته وويل، انتحاري حمله کوونکى پلى نه، بلکې د يوه ”وټز“ موټر په واسطه يې دغه حمله ترسره کړې.

دغه راز د کندهار له ميرويس روغتون نه يوه بله سرچينه وايي چې له دغې حملې ٤ مړي او ١٠ ټپيان ياد روغتون ته انتقال شوي او د ټپيانو په ډله کې ملکي وګړي هم دي.

وسله والو طالبانو د دغې حملې مسؤليت منلى.

  • پخواني معلومات

په کندهار ښار کې نن جمعه ماښام يوه انتحاري حمله شوې.

د کندهار د امنيه قوماندانۍ وياند ضيا دراني ازادي راډيو ته وويل چې دغه انتحاري حمله نن ماښام شااوخوا ٠٦:٣٠ بجې د کندهار ښار د يوولسمې امنيتي حوزې د عينو مېنې په سيمه کې مېله والو ته نږدې د پوليسو په يوه رنجر موټر شوې.

ښاغلى درانى زياتوي چې په دغه انتحاري حمله کې چې د يوه پلي کس له خوا شوې، يو پوليس وژل شوى او ٤ نور ټپيان دي.

تر اوسه چا د دغې حملې مسؤليت نه دى منلى.

نور جزئيات ورورسته ...

XS
SM
MD
LG