د سیمې څخه ځیني سرچینې وايي چې دوه تنه برید کوونکي د دغې مؤسسې ودانۍ ته ننوتي او د ډزو غږونه اورېدل شوي دي.
ښاغلی خوګیاڼی زیاتوي چې سیمې ته ځواکونه رسېدلي.
د ننګرهار د عامې روغتیا رئیس ډاکتر نجیبالله کامهوال رسنیو ته ویلي چې د پېښې له سیمې ۱۲ ټپیان روغتون ته وروړل شوي دي.
وسلهوالو طالبانو د جلالاباد په حمله کې خپل لاس لرل رد کړل.
ذبیحالله مجاهد رسنیو ته په یوه استول شوي پیغام کې لیکلي چې په جلالاباد ښار کې ننني بریدونه په دوی پورې اړه نهلري.
د ننګرهار امنیه قوماندان عبدالرحمن رحیمي چې په جلالاباد کې یې په عملیاتو کې برخه اخیستې ازادي راډیو ته وویل چې په سیمه کې تصفیوي عملیات روان دي او هڅه کېږي چې هغه ترهګر چې د سېف ده چلډرن ودانۍ ته ننوتي لهمنځه یوسي.
بلخوا د بریتانیا سفیر دا حمله غندلې ده.