د لاسرسي لېنکونه

سه شنبه ۱ غبرګولی ۱۳۹۷ کابل ۰۴:۵۰

تر ۱۹ کلونو کم عمره افغان کرکټ ټیم سبا له ایرلنډ سره لوبه کوي


ټاکل شوې ده چې سبا تر ۱۹ کلونو د لږ عمره کرکټ نړیوال جام لوبو په ترڅ کې د افغانستان ټیم له ایرلنډ سره مسابقه وکړي.

افغانستان د دې نړیوال جام په «ډي» ګروپ کې له پاکستان، سریلانکا او ایرلنډ سره یوځای شوی دی.

افغان لوبغاړو پرون د سریلانکا لوبډلې ته ماتې ورکړه او تر هغه مخکې یې د پاکستان له ټیمه لوبه ګټلې وه.

په دې ډول د افغانستان ټیم د دې لوبو کوارټر فاینل ته بریالی شوی دی، خو د سبانۍ لوبې ګټل د افغانستان لپاره د دې په خاطر اهمیت لري چې د خپل ګروپ په سر کې به پاتې شي او د بل ګروپ له دوهم ټیم سره به په کوارټر فاینل کې مخامخ شي.

XS
SM
MD
LG