د افغانستان د کرکټ د غورهلیګ یا پریمیرلیګ لوبو تړون پرون پنجشنبه له یوه هندي شرکت سره په کابل کې لاسلیک شو.
د افغانستان کرکټ بورډ وايي چې د افغانستان د کرکټ د غورهلیګ د لوبو لومړی پړاو سږکال په اکتوبر میاشت کې پیلېږي.
په افغانستان کې په تېرو څو کلونو کې د شپږېزې په نوم د کرکټ د سیالیو کلنۍ لړۍ هم ترسره کېږي.
د کرکټ بورډ د رسنیو د څانګې مشر لطفالله ستانکزي ازادي راډیو ته وویل چې د غورهلیک سیالۍ په متحده عربي اماراتو کې ترسره کېږي.
دی وايي:
"د شپږېزې کرکټلیګ به د کورني کرکټ په چوکاټ کې پرځای پاتې کېږي. د افغانستان پریمیرلیګ د شل اورېزو لوبو بل نړیواللیګ دی چې په متحده عربي اماراتو کې به ترسره کېږي."
د غورهلیګ د سیالیو تړون د افغانستان د کرکټ بورډ د مشر شکرالله عاطف مشعل او د سنیکسر سپورټس "Snixer Sports" په نوم د هندۍ کمپنۍ د استازي لهخوا لاسلیک شو.
د کرکټ بورډ چارواکي هیله من دي چې دا لړۍ به هم افغان لوبغاړو ته د نړۍ له اتلو لوبغاړو سره د لوبېدو موقع برابره کړي او هم به د کرکټ بورډ لپاره د مالي عاید سرچینه شي.