د لاسرسي لېنکونه

سه شنبه ۱ لړم ۱۳۹۷ کابل ۰۳:۳۹

د افغانستان او نامیبیا د کرکټ د ۱۹ کلنو لوبډلو سیالۍ ونه‌شوه


نن چهارشنبه «۱۳۹۶ کال د مرغومې ۲۰» د افغانستان او نامیبیا د کرکټ د ۱۹ کلنو لوبډلو ترمنځ تمریناتي لوبه د ورښت له امله ترسره نه‎شوه.

تېره ورځ د افغانستان ۱۹ کلنو ځوانانو په یو تمریناتي سیالۍ کې د بنګله‎دېش د ۱۹ کلنو لوبډلې ته د ۵۶ منډو په توپیر ماتې ورکړې وه.

افغان ۱۹ کلنه لوبډله له تېرو دوو اوونیو راهیسې په نیوزیلنډ کې نړیوال جام سیالیو ته په تیاریو او تمریناتو بوخته ده.

ټاکل شوې چې د کرکټ د ۱۹ کلنو نړیوال جام سیالۍ د روان میلادي کال د جنورۍ په ۱۳مه په نیوزیلنډ کې پیل شي.

افغان لوبډله په دې سیالیو کې د پاکستان، سریلانکا او ایرلنډ د کرکټ د ۱۹ کلنو لوبډلو سره لوبه کوي.

XS
SM
MD
LG