د لاسرسي لېنکونه

سه شنبه ۱ لړم ۱۳۹۷ کابل ۰۳:۲۳

سیمونز به راتلونکې اوونۍ د افغان ټيم د روزونکي په توګه کار پیل کړي


فيلیپ سیمونز به له راتلونکې اوونۍ د افغانستان د کرکټ د ملي لوبډلې د روزونکي په توګه کار پیل کړي.

سیمونز چې یو وخت د ویست انډیز لوبغاړی و، د ایرلنډ، زیمبابوې او ویسټ انډیز د ملي لوبډلو د روزونکي په توګه هم کار کړی دی.

د افغانستان د کرکټ بورډ مرستیال ویاند شرف الدین شاکر تېره شپه ازادي راډیو ته وویل، سيمونز ښه تجربه لري.

نوموړي زیاته کړه:

"د جنورۍ په ۸ مه به په دوبۍ کې زموږ د ملي لوبډلې په کمپ کې له افغان لوبغاړو سره د روزونکي په توګه تمرینونه پیل کړي."

سيمونز یوه موده له افغان ملي لوبډلې سره کار کړی او د شاکر په وینا، له افغان ټیم سره د کار تجربه لري.

کله چې سيمونز د زیمبابوې لوبډلې روزونکی و، دا ټیم یې د ۲۰ اوریز جام اتلولۍ ته ورساوه.

XS
SM
MD
LG