د امریکا په مشرۍ ائتلاف چې په سوریه کې د داعش پر ضد جنګېږي ویلي، د بشار الاسد رژیم د داعش وسلهوالو ته تر خپلې واکمنۍ لاندې سیمو کې د ازاد حرکت اجازه ورکړې ده.
ائتلاف او د سوریې حکومت ادعا لري چې د داعش وسلهوالیې تر ډېره حده له سوریې ایستلي او د هغوی فعالیتیې محدود کړی دی.
داعش یو وخت د سوريې پر شمالي او ختیځو سیمو واکمني درلوده.
د بریتانیې د پوځ یوه جنرال فیلکس ګيډني چې د داعش پر ضد د امریکا په مشرۍ د ائتلاف د قواوو په چوکاټ کې فعالیت کوي ويلي:
"داسې برېښي چې د داعش غړي په هغو سیمو کې چې د بشار الاسد د حکومت تر واکمنۍ لاندې دي، ازاد ګرځي."
تورن جنرال فیلکس ویلي، داسې څرګندېږي چې د بشار الاسد رژیم نهغواړي یا نهدی توانېدلی چې تر خپل کنټرول لاندې سیمو کې داعش ته ماته ورکړي.
خو تورن جنرال فیلکس ویلي، د داعش پر وسلهوالو به هوايي حملې ونهکړي، حتی که هغوی د سوريې د رژيم تر واک لاندې سیمو کې ولیدل شي.
دې بریتانوي جنرال ویلي چې په هغو سیمو کې د داعش د لهمنځه وړلو لپاره به د سوریې پر رژیم او د هغوی پر متحدې روسیه اتکا کوي.
ائتلاف وايي داعش ډله د بشار الاسد د رژیم تر کنټرول لاندې سیمو کې ازاد ګرځي.
د امریکا په مشرۍ ائتلاف اټکل کوي چې د داعش ۱۰۰۰ وسلهوال لا هم په عراق او سوریه کې پاتې دي.
په همدې حال کې د ترکیې ولسمشر رجب طیب اردوغان ویلي چې د "سوریې ولسمشر بشارالاسد ترورېست دی" او څو چې هغه له واکه لیرې نهشي، د سوريې د سولې له خبرو سره مرسته امکان نهلري.
اردوغان د چهارشنبې په ورځ «۱۳۹۶ کال د مرغومې ۰۶» د تونس له ولسمشر محمد باجي قائد سبسي سره تر کتنې وروسته پر بشار الاسد تور پورې کړ چې په "دولتي ترورېزم" یې لاس پورې کړی او د "سوریې لږ تر لږه یو میلیون وګړي" یې وژلي دي.
خو د بشار الاسد رژیم پر ترکیه تور لګوي چې د هغوی په کورنیو چارو کې لاسوهنه او د ترورېستي ډلو ملاتړ کوي.