د افغانستان د فوټبال د ملي لوبډلې لوبغاړي مصطفی ازادزوی د ټایلنډ د چنېګیري لوبډلې سره د لوبېدو دوه کلن قرارداد لاسلیک کړ.
د فوټبال فدراسیون د مطبوعاتو امر شفیع شاداب نن ازادي راډيو ته وویل، دی به د ټایلنډ د غورهلیګ په سیالیو کې ولوبېږي.
مصطفی ازادزوی تېر کال د ټایلنډ د چاینا لوبډلې سره لوبېدلی و.
د ټایلنډ د فوټبال غوره لیګ د اسیا په کچه د فوټبال د غوره لیګونو څخه یو مشهور لیګ ګڼل کېږي.