د افغانستان د ماشومانو ښوونیز او روزنیز سرکس د هېواد په دیارلسو ولایتونو کې فعالیت کوي او تر یونیم زر پورې ماشومان د هنري پروګرامونو لپاره روزي او نندارې وړاندې کوي.
دې سرکس په تېرو نېږدې پنځلسو کلونو کې نېږدې څلور میلیون افغان ماشومانو ته هنري پروګرامونه وړاندې کړي دي.
د دې پروژې یو مسؤل مشر وايي، دوی په خپلو پروګرامونو کې د هنري نندارو ترڅنګ ماشومانو ته تعلیمي او صحي پیغامونه هم خپروي.
احمد تکل د ماشومانو د ښوونیز او روزنیز سرکس د ملي پروګرام له منیجر خلیل الله حمید روهان سره مرکه کړې.
ښاغلي روهان په پیل کې د دې سرکس پر فعالیتونو رڼا اچولې:
