د سریلانکا د کرکټ ملي ټیم لاهور ته ورسېده چې د پاکستان له ملي لوبډلې سره ۳ مسابقې وکړي.
د سریلانکا لوبډله اته کاله وروسته له دې د سختو امنیتي تدابیرو په منځ کې پاکستان ته ځي چې په لاهور ښار کې پرې ترورېستي حمله وشوه.
د سریلانکا لوبغاړي او د لوبډلې مسؤلان په داسې حال کې په یو بم ضد بس کې هوټل ته بیول شول چې سلګونه پولیسو یې ساتنه کوله.
ټاکل شوې ده چې د پاکستان او سریلانکا لوبډلې نن شپه د لاهور په قذافي لوبغالي کې لومړۍ مسابقه وکړي.