د لاسرسي لېنکونه

شنبه ۲۵ لیندۍ ۱۳۹۶ کابل ۱۱:۲۱

یوه بریتانوي ناول لیکونکي د۲۰۱۷ کال د نوبل ادبیاتو جایزه وګټله


U.K. -- Author Kazuo Ishiguro speaks to the media outside his home, following the announcement that he has won the Nobel Prize for Literature, in London, October 5, 2017

بریتانوی ناول لیکونکی کازو ایشيګورو Kazuo Ishiguro د ۲۰۱۷ کال د ادبیاتو د جایزې ګټونکی اعلان شو.

د ۶۲ کلن ایشیګورو نوم د نوبل د ادبیاتو د جایزې د ګټونکو په اټکلونو کې نه یادیده خو پرون وروسته له دې چې نوم یې اعلان شو ده خپل فوق العاده احساس داسې بیان کړ:

"دا اصلاً ډېر ستر ویاړ ځکه دی چې د دې معنا داده چې زه د هغو سترو لیکوال پر پله روان یم چې ژوندي پاتې دي او دا زما لپاره ډېره فوق العاده ستاینه ده."

ایشیګورو د ۱۹۵۴ کال د نوامبر په اتمه د جاپان په ناګاساکي ښار کې زېږېدلی دی او کورنۍ ېې هغه مهال چې دی پنځه کلن و، بریتانیا ته مهاجره شوه.

د نوبل کمېټه وايي چې ایشیګورو ته د نوبل جایزه د نړۍ په اړه د انسان د وهمي احساس د ژور تل د رابرسیره کولو په خاطر ورکړل شوې ده.

"د ورځې پاتې شوني" او "هیڅکله مې تلو ته مه پریږده" د ایشیګورو مهم اثار دي.

XS
SM
MD
LG