د لاسرسي لېنکونه

دوشنبه ۱ لړم ۱۳۹۶ کابل ۰۱:۳۵

قوقندی: ازبکستان د افغان صادراتو لپاره ترمز کې کارګو زون جوړ کړی


ازبکستان بهر ته د افغانستان د صادراتي توکو د لېږد لپاره د دغه هېواد د ترمز په هوايي ډګر کې کارګو زون جوړ کړی دی.

د افغانستان د سوداګرۍ او صنایعو وزارت ویاند مسافر قوقندي نن سې شنبه له ازادي راډیو سره په خبرو کې وویل چې یاد کارګو زون د صادراتي توکو لپاره په معیارونو برابرې سړې خونې او ګدامونه لري.

د نوموړي په خبره، افغان صادراتي توکي له دغه ځایه د ریل پټلۍ او هوا له لارې، نورو هېوادونو ته صادرېږي.

ښاغلي قوقندي زیاته کړه:

"زه ډاډه یم چې دغه ډول کارګو زون بهر ته د افغاني توکو د صادراتو د کچې له ډېرېدو سره مرسته کوي او هم د ازبکستان د صادراتو او وارداتو لپاره ډېر ګټور دی."

ښاغلي قوقندي وویل چې له دغه کارګو زون څخه افغاني توکي په خپل وخت اسیايي هېوادونو، روسیې او چین ته صادرېږي.

XS
SM
MD
LG