تېره ورځ د افغان ولسمشر په مشرۍ د وزیرانو د عالي شورا د قانون د حاکمیت او اداري فساد په وړاندې د مبارزې په فوق العاده غونډه کې د ادارې فساد پرضد ملي ستراتیژي و ارزول شوه او بحث پرې وشو.
ټاکل شوې چې دغه ستراتیژي د ولسمشر د دویم مرستیال محمد سرور دانش تر مشرۍ لاندې کمېټه کې نهايي شي.
د فساد په وړاندې د مبارزې یو شمېر ادارې هم له دولته غواړي چې د فساد په وړاندې جدي مبارزه وکړي او دغه ډول ستراتیژیګانې د باتجربه کسانو له خوا وارزول شي.
په همدې اړه د فساد په وړاندې د افغاني شبکې له رئیس خان زمان امرخېل سره د ازادي راډيو خبریال اکرام الله اکرام مرکه کړې او په سر کې يې ترې پوښتلي چې د ستراتیژيګانو ارزول د فساد په وړاندې په مبارزه کې څومره مثبت واقع کېدای شي:
