د رزمي یا مارشال سپورټ افغان لوبغاړی سیر بهادرزاده به نن شنبه له خپل استرالیایي سیال راب ویلکنسن سره لوبه وکړي.
بهادرزاده د دغې لوبې د تیاریو په اړه ازادي راډیو ته وویل:
"زما رقیب په غیږ نیولو کې په سلو کې ۵۵ لوبې ګټلې، زه له دې خبریم او د هغه لوبې مې کتلي دي. زه هیله من یم چې د تمرینونو او تیاریو په مرسته به که خدای کول لوبه د ځان په ګټه پای ته ورسوم. "
۳۳ کلن بهادرزاده به له ۲۵ کلن ویلکنسن سره دغه لوبه نن د هالنډ په لوتردام کې ترسره کړي.