د کندز امنیتي چارواکي وايي چې نن سې شنبې ۱۱ بجې د کندز په چهاردرې ولسوالۍ کې د افغان ګډو ځواکونو پر پوځي کاروان ځانوژونکي برید شوی چې له کبله یې ۵ تنه افغان ځواکونو ته په کې مرګ ژوبله اوښتې ده.
د دغه ولایت د امنې قوماندانۍ د امنیت امر صفرمحمد اکبري له ازادي راډیو سره د خبرو پرمهال وویل چې د افغان ګډ ځواکونه د چهاردرې ولسوالۍ د قریه یتیم سیمه ته د ځانکړي عملیات د ترسره کولو په هدف تللي وو چې د لارې په اوږدو کې پر پوځیانو ځانوژونکي بريد شوی چې په پایله کې د افغان ځواکونو یو تن سرتېری وژل شوی او ۴ تنه نور ټپیان شوي دي.
ښاغلي اکبري زیاته کړه چې ځانوژونکي کس دغه بريد یې د موټر بمب په وسیله ترسره کړی دی.
بلخوا ذبیح الله مجاهد چې ځان د وسله والو مخالفانو ویاند معرفي کوي وايي چې ځانوژونکي دغه برید یې د کرولا موټر بمب په وسیله ترسره کړی چې له کبله یې ګڼ شمېر افغان ځواکونو ته یې په کې مرګ ژوبله اړولې ده.