هرات کې د دغه ولایت د ځوانانو د فعالیت او لاسته راوړنو نندارتون جوړ شو

د هرات د ځوانانو چارو امریت د ځوانانو د نړیوالې ورځې په مناسبت د یو لړ مراسمو په ترڅ کې، د هرات د ځوانانو لاسته راوړنې نندارې ته وړاندې کړې.
دغه نندارتون د ۳ ورځو لپاره د هرات په مولانا جلال الدین محمد بلخي په تالار کې جوړ شوی دی.
د هرات د ځوانانو چارو امر تواب مبارز وایي، د هرات ولایت د ځوانانو د لاسته راوړنو په دغه نندارتون کې تر ۲۵ ډېرې غرفې نندارې ته ايښودل شوي دي.