د سې شنبې په ورځ د امريکا لوړپوړي ډیپلومات او د بهرنیو چارو وزير ټينګار وکړ چې روسیه دې له امریکا سره د اړيکو ښه کولو په هدف اقدامات وکړي.
رکس ټېلرسن ومنله چې د امریکا د کانګرس لهخوا پر روسیې بنديزونه به د اړيکو په مخ کې خنډ جوړ کړي.
د بهرنیو چارو د وزیر په توګه رکس ټېلرسن له روسيې سره د امریکا د اړيکو سمولو په هدف څه اقدامات کوي؟
رکس ټېلرسن ويلي چې يو څو ورځې وروسته به له خپل روسي سيال سره وويني.
ټېلرسن د ډونالد ټرمپ د ژمنو په اړه څه ونهويل چې مخکې يې له روسیې سره د اړيکو پراخولو په اړه کړې وې، خو ده وویل چې په سوريه کې دغه دواړه هېوادونه ځيني ګډ اهداف لري.
ده په دې اړه هم څه ونهويل چې په امریکا کې دننه د دې هېواد د ولسمشر د اهدافو په اړه شکونه شته په داسې حال کې چې د امریکا استخباراتي ادارو پر مسکو تور پورې کړی چې د ۲۰۱۶ میلادي کال په ولسمشريزو ټاکنو کې يې له ټرمپ سره د مرستې په هدف په انتخاباتو کې لاسوهنه کړې وه.
د امریکا کانګرس پر روسيې اقتصادي بنديزونه لګولي دي نو په داسې حال کې د دغو هېوادونو تر منځ د ښو اړیکو څومره هيله شته؟
د یکشنبې په ورځ د روسیې ولسمشر ولاديمير پوتين اعلان وکړ چې په روسيه کې د امریکا ډیپلوماتيک مأموریت بايد د خپلو کارکوونکو شمېر کم کړي.
دا د امریکا هغو اقتصادي بنديزونو ته عکسالعمل دی چې په دې وروستيو کې امریکا پر روسيې د امریکا په ولسمشريزو انتخاباتو کې د لاسوهنې له امله ولګول.
ټېلرسن ويلي چې ټرمپ د بنديزونو د لايحې په اړه نهدی خوشحاله.
ده د کانګرس له غړو غوښتي وو چې دغه لايحه تصويب نهکړي ځکه د ده په وينا دا به د سپينې ماڼۍ هڅې له ستونزو سره مخامخ کړي چې له روسیې سره ښې اړيکې غواړي.
خو ټرمپ به دغه قانون توشېح کړي ځکه د کانګرس غړي کولای شي د ده پرېکړه ويټو کړي که دی دغه قانون توشېح نهکړي.
په داسي حال کې چې د امریکا د تحقيقاتو فدرال اداره او د کانګرس کمېټې د ټرمپ د کمپاين او روسيې د اړیکو په اړه پلټنې کوي، د ټرمپ د پرېکړې ويټو به په دې مانا وي چې د کانګرس غړي له مسکو سره د امریکا د ښو اړيکو په خاطر د ټرمپ هڅې ردوي.
