د افغانستان د جودو فدراسیون مسؤلین وايي، دوه تنو افغان لوبغاړو د اسلامي هېوادونو په المپیکي سیالیو کې ماته وخوړه.
د جودو فدراسیون سکرټر جنرال ذبیحالله نظري د دوشنبې په ورځ ازادي راډیو ته وویل چې محمود محمدي د ۱۰۰ کېلو او وحیدالله یوسفزي د ۸۰ کېلو وزن په لرلو سره له خپل ترکي سیال څخه ماته وخوړه.
په دغو سیالیو کې چې ۱۰ ورځې به دوام وکړي، د افغانستان په ګډون د ۵۷ اسلامي هېوادونو لوبغاړو ګډون کړی.
د اسلامي هېوادونو دغه سیالۍ په نړيواله کچه ډېرې مهمې سیالۍ ګڼل کېږي چې په بېلابېلو برخو کې ترسره کېږي.