په کندهار کې لسګونه ځوانانو د شاهین قول اردو په حمله کې د وژل شویو سرتېرو د ارواح د خوښۍ په پار د قران کریم ختم وکړ، د هغوی په یاد یې شمعې بلې کړې او په دې توګهیې د قربانیانو له کورنیو سره غمشریکي وکړه.
دغه مراسم پرون ماښام ناوخته د کندهار ښار په عینو مېنه کې جوړ شوي وو.
ګډونوالو له ځان سره شعارونه او د ملي اردو د سرتېرو تصویرونه هم لرل.
د مراسمو دوو ګډونوالو غفور فیروز او عصمتالله ازادي راډیو سره په خبرو کې دغه حمله وغندله او له حکومتهيې غوښتنه وکړه چې په پېښه کې ښکېل کسان دې محاکمه کړي.
دوی وايي:
"فیروز، د شاهین قول اردو پر سرتېرو شوی برید د اسلام د سولهییز تعبیر او انساني اقدارو خلاف عمل او په تمامه معنی یو وحشت دی."
"عصمتالله، موږ ټول په یوه غږ دغه برید غندو او له حکومته د پېښې جدي پلټنه او عاملینو تهیې سخته سزا غواړو."
په مزار شریف کي پر شاهین قول اردو حمله چي د تېرې جمعې په ورځ د لمانځه پر مهال د وسلهوالو طالبانو لهخوا وشوه د وروستیو راپورونو پر اساس شااوخوا ١٤٠ سرتېري ووژل شول او تر یو نیم سل زیات نور ټپيان شول.
راپور: محمد صادق رښتینی