د فرانسې د ولسمشرۍ لپاره کاندیدانو انتخاباتي مبارزه ګړندۍ کړې ده.
دا ځل د دغو انتخاباتو لپاره چې لومړی پړاو یې د راتلونکې یکشنبې په ورځ ترسره کېږي، ۱۱ تنو ځانونه کاندید کړي چې د فرانسې د کورنیو او بهرنیو سیاستونو په اړه یې دریځونه ډېر سره توپیر لري.
په دوی کې داسې کاندیدان هم شته چې له اروپایي اتحادیې د فرانسې د ایستلو او د کډوالۍ د سیاست د سختولو غوښتونکي دي.
نوریاس نوري د دغو انتخاباتو په اړه په فرانسه کې مېشت د سیاسي چارو له افغان کارپوه ډاکټر اکبر وردګ سره مرکه کړې او لومړی یې د مخکښو کاندیدانو په اړه چې ویل کېږي تر ډېره کیڼ اړخي یا ښي اړخي افراطي نظریات لري، پوښتنه کړې ده.
ښاغلي وردګ سره شوې مرکه د لاندې لنک په کېکاږلو اورېدلای شئ: