په داسې حال کې چې د نوي لمریز کال په رابره کېدو د افغانستان په سړو سیمو کې نوی تعلیمي کال پیل شوی، یو شمېر ولایتونو کې لاهم ښوونځیو ته درسي کتابونه نهدي رسیدلي.
د افغانستان د پوهنې وزارت وايي، دوی په ژمي کې اتلس ولایتونو ته درسي کتابونه استولې وو.
د نوي تعليمي کال د پیل سره سم د پوهنې وزارت د ولسمشر په ځانګړي لارښوونه د دفاع وزارت د ټرانسپورټ په مرسته ۱۶ پاتې ولایتونو ته هم د کتابونو استول پیل کړي.
په تېرو دوه درې اونیو کې پاتې ولایتونو ته د کتابونو د استولو دا پروسه څومره پرمخ تللي؟
د ازادي راډیو خبریال اجمل اند دا پوښتنه د یوې مرکې په پیل کې د پوهنې د وزارت د نشراتو له رئیس کبیر حقمل څخه کړې. نوموړی په دې اړه وايي: