د لاسرسي لېنکونه

لعلي: د افغانستان فوټبال ملي ټیم بله لوبه مالدیف سره ده


د افغانستان د فوټبال فدراسیون اعلان کړی چې د دې هېواد د ملي لوبډلې بل حریف مالدیف دی.

دا لوبه د جون میاشتې په شپږمه په عربي متحده اماراتو کې ترسره کېږي.

د افغانستان د فوټبال ملي ټیمونو مدیر علي عسکر لعلي تيره شپه ازادي راډیو ته وویل، له مالدیف سره لوبه له کمبودیا سره د افغانستان د رسمي لوبې لپاره د دې ټیم امادګي ده.

نوموړي زیاته کړه:

"ټاکل شوې د افغانستان د فوټبال ملي ټیم له کمبودیا سره د لوبو د چمتو والي په خاطر په دبۍ کې یو تمرین ولري، دا تمرین د مې میاشتې په وروستیو او د جون په لومړیو کې ترسره کېږي، د جون په شپږمه له مالدیف سره لوبه ده چې له هغه وروسته به موږ د کمبودیا پر لوري ولاړ شو."

د افغانستان او کمبودیا ټیمونو ترمنځ رسمي لوبه د جون پر دیارلسمه ترسره کېږي.

دا اسیایي جام ته د رسېدو لپاره دوهمه لوبه ده.

په لومړۍ لوبه کې افغانستان د ویتنام په وړاندې یو د یو په وړاندې مساوي شول.

افغانستان، اردن، ویتنام او کمبودیا اسیایې جام ته د رسېدو په لوبو کې په یوه ګروپ کې یو دبل حریفان دي.

XS
SM
MD
LG