د هلمند ولایت په نادعلي ولسوالۍ کې به پراخ پوځي عملیات پیل شي.
د ازادي راډیو خبریال محمد الیاس داعي چې وروسته له اتو میاشتو نادعلي ته تللی وايي، په هغو سیمو کې چې د حکومت تر ولکې لاندې دي د خلکو ژوند عادي شوی دی.
د نادعلي مرکز ته د غځېدلې لارې د پرانيستلو په هدف عملیات پای ته رسېدلي او ګڼ شمېر تازه دمي سرتېري د دغې ولسوالۍ مرکز ته تللي چې په نورو سیمو کې هم عملیات وکړي.
محمد الیاس داعي چې د هلمند د امنیه قومندان سره د نادعلي مرکز ته تللی وايي، کوکنار ډېر کرل شوي دي، خو په ډېرو کروندو کې د شپږ میاشتې پخوا کرل شوي بوټي ولاړ دي.
د بشپړ راپور اورېدو لپاره د ښاغلي داعي چمتو شوی راپور واورئ:
