د انتخاباتو خپلواک کمېسيون وايي، په راتلونکو ټاکنو کې له پرمختللې ټکنالوژۍ څخه د استفادې په اړه تخنيکي څېړنې روانې دي.
دغه کمېسيون وايي، سره له دې چې خپل پېشنهادونه يې حکومت ته سپارلي، خو تر اوسه يې بودجه نه ده ترلاسه کړې.
تر اوسه پورې افغان حکومت د ولسي جرګې او ولسواليو شوراګانو د ټاکنو دقيقه نېټه نه ده اعلان کړې؛ خو د انتخاباتو خپلواک کمېسيون وايي، دغه ټاکنې امکان لري چې نورې هم وځنډېږي.
صالح محمد صالح د انتخاباتو خپلواک کمېسيون د دارالانشاء له رئيس امام محمد وريماچ څخه د مرکې په پيل کې پوښتنه وکړه، چې د دغو انتخاباتو لپاره د دوى چمتووالي څومره پرمختګ کړى؟
