د لاسرسي لېنکونه

عامې روغتیا وزارت: د کابل ښار چاودنه کې یو تن وژل شوی ۱۱ نور تپیان دي


د افغانستان د کورنیو چارو وزارت وايي چې د کابل ښار تایمني سیمې په نننۍ چاودنه کې یوه ښځه وژل شوې او اته تنه نور ټپيان دي.

د کورنیو چارو وزارت ویاند صدیق صدیقي که څه هم د دغې چاودنې هدف په ډاګه نه‌کړ خو ازادي راډیو ته‌یې وویل چې د پېښې ټول قربانیان ملکي وګړي دي.

په ورته وخت کې د افغانستان د عامې روغتیا وزارت ویاند وحید مجروح ازادي راډیو ته وویل چې په دغې چاودنه کې یو تن وژل شوی او ۱۱ تنه ټپیان شوي دي.

تر دا مهاله د دې چاودنې مسؤلیت کومې وسله‌والې ډلې په غاړه نه‌دی اخیستی.

  • پخواني معلومات:

د افغانستان د کورنیو چارو وزارت وايي چې شېبه وړاندې د کابل ښار په تایمني سیمه کې چاودنه شوې ده.

د کورنیو چارو وزارت ویاند صدیق صدیقي ازادي راډیو سره پېښه تائید کړه خو په دې اړه‌یې نور معلومات ورنه‌کړل.

دا په داسې حال کې ده چې د تېرې اوونۍ په چهارشنبې ورځ په کابل ښار کې پر سردار محمد داوود خان روغتون ډله‌ییزه انتحاري حمله کې لسګونه مړه او ټپیان شول.

  • پخواني معلومات:

شېبه وړاندې د کابل ښار تایمني سیمه کې چاودنه شوې.

د کابل امنیه قوماندانۍ چارواکي پېښه تائیدوي خو وايي تر دا مهاله د پېښې نوعیت نه‌دی معلوم.

د امنیه قوماندانۍ ویاند بصیر مجاهد ازادي راډیو ته وویل چې د پېښې سیمې ته امنیتي چارواکي رسېدلي دي او په دې اړه به نور جزئیات وروسته څرګند شي.

تر دا مهاله نه‌ده معلومه چې دا چاودنه پر چا شوې ده.

XS
SM
MD
LG