څو شېبې وړاندې د کابل ښار د سردار محمد داوود خان روغتون شااوخوا کې یوه چاودنه شوې او د ډزو غږونه اورېدل شوي دي.
په دفاع وزارت کې یوې سرچینې ازادي راډیو ته دا چاودنه تائیده کړه، خو په اړهیې زیات جزئیات ورنهکړل.
د راپورونو له مخې څو انتحاریانو د سردارمحمد داوود خان په روغتون برید کړی او دا مهال له افغان ځواکونو سره په جګړه بوخت دي.
تر اوسه د دې پېښې مسؤلیت چا په غاړه نهدی اخیستی.
په دې اړه نور جزئیات وروسته ...
نن سهار شااوخوا نهه بجې په کابل ښار کې د سردار محمد داوود خان پر پوځي روغتون وسلهوالو مخالفانو حمله کړې.
د افغانستان په دفاع وزارت کې یوې سرچینې ازادي راډیو ته وویل چې یوه چاودنه هم شوې او وسلهوالو پر روغتون حمله کړې.
خو دې منبعې د رامنځته شویو تلفاتو په اړه څه ونهویل.
په عین حال کې د سردار محمد داوود خان روغتون یوه مسؤل چې خپل نومیې څرګند نهکړ ازادي راډیو ته وویل چې د روغتون د شمال لهخوا پر دې روغتون حمله شوې او وسلهوال روغتون وردننه شوي.
په سیمه کې د چاودنو او ډزو غږونه اورېدل کیږي.
ځیني کسان چې د روغتون په داخل کې ګېر پاتي خپلو کورنیو تهیې ویلي چې وضعیت بد دی او ټپیان مرستو ته اړتیا لري.
راپورونه وایي چې وسلهوال مخالفین د روغتون دوهم او درېیم پوړ ته رسېدلي او د ملي اردو ځواکونو سره ښکېل دي.
سردار محمد داوود خان پوځي روغتون دی او په ټینګهیې ساتنه کېږي.
دغه روغتون د افغانستان عامې روغتیا وزارت او کابل کې د امریکا سفارت ته نېږدې موقعیت لري.
تر اوسهیې چا مسؤلیت نهدی منلی خو تر دې وړاندې د دې ډول حملو مسؤلیت وسلهوالو طالبانو منلی دی.
البته تېره شپه هم یو توغندی پر کابل ښار لګېدلی خو تر اوسهیې د تلفاتو په اړه څه نهدي ویل شوي.
افغانستان کې د ناټو د قاطع مأموریت ملاتړ دفتر:
یو ځل بیا وسلهوالو پر یوه روغتون له برید سره د انسانیت په وړاندې خپله بېاحترامي وښوده. موږ د ترورېزم پر ضد د افغانستان له خلکو سره ولاړ یو.