د افغانستان د نورو ناامنه ولایتونو په څېر د غزني ولایت سیمهییز چارواکي هم د پسرلي په راتګ سره د غزني د امنیتي وضعیت په اړه اندېښنه لري.
د غزني ولایت د ولایتي شورا غړي امانالله کامراني د چهارشنبې په ورځ ازادي راډيو ته وویل چې په دغه ولایت کې امنیتي وضعیت ورځ تر بلې مخ په خرابېدو دی او امینتي مسؤلينيې په مخنیوي کې پاتې راغلي دي.
نوموړی وايي چې د دغه ولایت په ناامنیو کې والي لاس لري او هغه په دې نهدی توانېدلی چې د امنیتي او نورو ارګانونو تر منځ همغږي رامنځته کړي ځکه نو له همدې املهيې هغه په یو ناسم مدیریت تورن کړ.
ښاغلي کامراني زیاته کړه:
"زموږ د ولایت والي د ولایتي شورا سره په هېڅ موضوع کې همغږي نهده کړې، په همدې خاطر زموږ ولایتي شورا اوس له ولایت مقام سره پرېکون اعلان کړی، والي د ولایتي شورا پر ځای یوه بله شورا جوړه کړې ده چې هغه شورا وسلهوالو طالبانو ته چنده کوي او زیاته نغدي مرسته ورته راټولوي."
د غزني ولایت د ولایتي شورا یو بل وکیل جمعه جامع بیا هم ورته څرګندونې لري.
نوموړی ادعا کوي چې اوسنی والي د ځمکو غصب او فساد کې لاس لري.
ښاغلي جامع زیاته کړه:
"تاسې فکر وکړئ چې زموږ د غزني زیاتې ولسوالۍ تر محاصرې لاندې دي او یوازې يې مرکزونه د دولت په لاس کې دي، خو بیا هم ولایتي ادارې هېڅ نهدي کړي، والي انکشافي برخه کې هم هېڅ کار نهدی کړی."
غزني چې له ناامنه ولایتونو ارزګان او زابل سره ګډه پوله لري مسؤلينيې په دې اند دي چې له هغه ځایه ورته وسلهوال طالبان لاسونه اوږدوي.
په ورته وخت کې د غزني ولایت والي عبدالکریم متین بیا پر ځان لګېدلي تورونه ردوي او وايي چې دوی د امنیتي ځواکونو منځ کې پوره همغږي راوستلې او د دغه ولایت د ستونزو د حل لپارهيې ډېرې هڅې کړي چې یوه بېلګهيې د وسلهوالو طالبانو د هغه لوی پلان شنډول و چې غوښتليې د څو نورو ولایتونو سره یوځای غزني ته هم سقوط ورکړي.
نوموړی وايي چې ولایتي شورا د دې پر ځای چې له ولایتي ادارې سره ګډ کار وکړي بېځایه تورونه لګوي.
ښاغلي متین زیاته کړه:
"موږ پرلهپسې هڅې کړي، څو د غزني خلکو ته سهولتونه رامنځته کړو چې تر ډېره په دې کار بریالي شوي یو، ولایتي شورا زموږ غونډو ته نهحاضرېږي، هغوی د دښمن په ګټه تبلیغ کوي، د هغوی دغه څرګندونې هېڅ ګټه نهکوي."
د یادونې وړ ده چې غزني هم د افغانستان یو د هغه ناامنه ولایتونو څخه دی چې د مسؤلینو په خبره ورځ تر بلې ناامني پهکې ډېرېږي.
راپور: شریفالله شرافت