د افغانستان د کلیو او پراختیا وزیر وایي چې د روان مالي کال په لومړېو پنځو میاشتو کې په لېرو پرتو سیمو کې شاوخوا څلور زره عام المنفعه پروژې د ۱۱۲ میلیونو ډالرو په ارزښت عملي شوي دي.
نصیر احمد دراني له ازادي راډيو سره په ځانګړي مرکه کې وویل چې دغه پروژې یې خلکو ته د پاکو اوبو رسولو د سړکونو د جوړولو او د کرنې په برخه کې عملي کړي دي.
ښاغلی درانی وایي چې د کلیو او پراختیا وزارت په هېواد کې د متوازن انکشاف په برخه کې هم هڅې کوي.
زموږ همکارې نجیبې زمان د کلیو او پراختیا له وزیر نصیراحمد دراني سره مرکه کړې او په سر کې یې پوښتلي چې څومره پروژې په ولایتونو کې د خلکو د اړتیا په اساس عملي شوي دي:
