د افغان حکومت اجراییه ریس عبدالله عبدالله وايي که ملا منصور وژل شوی وي دا به د طالبانو په رهبرۍ کې یو لوی بدلون وي.
ښاغلي عبدالله دغه څرګندونې نن د افغانستان د وزیرانو شورا په غونډه کې وکړې.
د امریکا دفاع وزارت پرون ناوخته خبر ورکړ چې د بې پیلوټه الوتکو په برید کې د افغان طالبانو مشر ملااختر محمد منصور احتمالا وژل شوی دی.
لویدیځ اژانسونه خبر ورکوي چې دا برید د امریکا د ولسمشر بارک اوباما په اجازه د پاکستان د خاورې دننه د افغانستان پولي ته څېرمه ترسره شوی دی.
طالبانو تر اوسه په دې اړه څه نه دي ویلي.
