په شمال کې د شاهین قول اردو قومندان عبدالحمید وردک وایي، د دغه قول اردو اړوند نهو ولایتونو کې امنیتي ځواکونه برلاسي دي.
ښاغلي وردک د ازادي راډيو د حقیقت څه دی له پروګرام سره مرکه کې وویل چې په دغو ولایتونو کې د وسله والو مخالفینو تر عملیاتو مخکې افغان ځواکونو پراخ عملیات پیل کړي و.
نوموړی په ځانګړي توګه په کندز او بغلان کې د خاصو عملیاتو یادونه کوي چې لاهم دوام لري.
جنرال وردک وایي، په شمال کې د نا امنیو د جوړولو یو ستر لامل د دغو سیمو طبیعي او اقتصادي سرچینو ته د وسله والو لاس رسی دی.
د ازادي راډيو خبریال اسد الله لودین له ښاغلي وردک سره د شمال زون د امنیت په اړه مرکه کړې ده.
