د بشري حقونو د څار ډلې په خپل راپور کې ویلي دي چې طالبانو د عملیاتو لپاره او د ماینونو د کرلو لپاره ماشومان استخدام کړي دي.
د راپور له مخې د دې ماشومانو عمرونه د دیارلسو او اوولسو کلونو تر منځ دي.
د بشري حقونو د دې نړېوال سازمان د ادعا په اړه احمد شیبر د افغانستان د بشري حقونو د خپلواک کمېسیون له ویاند رفیع اله بیدار سره مرکه کړې او لومړی یې په دې اړه د دوی د کمېسیون د غبرګون پوښتنه ترې کړې، ښاغلي بیدار په ځواب کې وویل:
