په پاکستان کې د اسیا زړه کنفرانس او ترڅنګ غونډو کې یې د نورو مسایلو ترڅنګ له وسله والو طالبانو سره د افغانستان د حکومت د سولې د خبرو مساله ډیره مطرح شوه او د راپورونو له مخې په دې اړه ځیني موافقې هم شوي.
په اسلام اباد کې د افغانستان د سفارت یوې سرچینې ازادي راډیو ته وویل چې ښایي د سولې خبرې په راتلونکو دوو اونیو کې بیا پیل شي.
ايا د افغانستان د حکومت او وسله والو طالبانو ترمنځ د سولې خبرې به په دې نژدې راتلونکې کې بیا پیل شي؟
دا پوښتنه نوریاس نوري د افغانستان د سولې د عالي شورا له غړي حاجي عزیزالله دین محمد څخه د مرکې په پیل کې کړې ده.
ښاغلي دین محمد په ځواب کې وویل:
